یاز گلیشـی

یاز گَلدی یئنه جان دا بزندی گول گولدو،گولوستان دا بزندی. یئل‌لر شله‌سین آلدی دنیزدن گوندوز، گئجه، هر یان دا بزندی. شادلیق دؤیولون چالدی یاغیشلار آلقیشلادی، انسان دا بزندی. باغلاردا چیچک‌لر اوزه گولدو داغلارداکی جئیران دا بزندی. بولبول اویانیب، حیرته دوشدو باغریندا قیزیل قان دا بزندی. گون دوشدو، بوتون اوتلار اویاندی هر دردیمه درمان دا بزندی. ککلیک فره‌سین دوزدو دالینجا داشلیقداکی دووشان دا بزندی. چایلاردا بالیق، گؤیده‌کی قوشلار قارتال کیمی ترلان دا بزندی. سئل‌لر دورولوب، جوشدو بولاقلار گؤی‌لرکیمی عمّان دا بزندی. گون پارلادی، سونبول دنه دولدو اون گَلدی، ده‌ییرمان دا بزندی. جانلاردا سئوینجین سویو آخدی شکر‌ایله مسلمان دا بزندی. حقدن پایینی آلدی قارینجا تختین‌ده سلیمان دا بزندی. یایلاق‌دا چوبان چارداغی قوردو کاخ‌لارداکی سلطان دا بزندی. ائولرده گلین، گوزگوده قیزلار های دوشدوکی، اوغلان دا بزندی. قیشلار تؤره‌دن تولکولر اؤلدو داغلارکیمی آسلان دا بزندی. آیدین، نه گؤزل گوندو بو گونلر عشق اولدو بیزیم شان دا بزندی. قیزلار کوچه‌نی سیلدی- سوپوردو دام- داشداکی ائویان دا بزندی. ائل نغمه‌سی سَسلندی آرازدان تبریز، باکی، زنجان دا بزندی. « اِلیـار»دا دئییر عشقه بویاندیم قلبیم‌ده‌کی ایمان دا بزندی. سینمده جوشان دوب- دورو شعریم باغریم‌داکی دیوان دا بزندی. .