قارابـاغ

آدین آزاده‌لر آغزین‌دا اولار داد ، قاراباغ ! ائرمنی‌دن سنه دوست اولماز، اولار یاد ، قاراباغ ! اؤلکه‌میزده سنین عشقین‌ده قورولموش اوبالار داها بیر قورخوسو یوخدور، اولور آباد ، قاراباغ ! سن‌ایله قول- بویون اولماق ائلیمین آرزوسودور ائلی دور باغرینا باس، ائیله یئنه شاد ، قاراباغ ! ائلیمیز قورتاراجاق دیر سنی بیرگون غم‌دن سنه قربان وئره‌جک جان‌ایله هر زاد ، قاراباغ ! آیاغین چکمسه دوشمن، داها بیرلیک بولودو سالاجاق دوشمنه بیر قورخولو گورشاد ، قاراباغ ! ساریلار اؤلکه‌سینه، بوشلاماز آنجاق وطنی هرکیمی ائیله‌سن اؤز عشقینه داماد ، قاراباغ ! باغلی اول الله-ا سن، دوشمنه باش اَیمه گؤزل! یانلیز الله-هَ گووَن، ائیله اونو یاد ، قاراباغ ! من اورَک نغمه‌لریمدن بئله بیر سؤز آلدیم اؤلکه‌یه جان ساییلیرسان نه کی، بیر آد ، قاراباغ ! نفَسی، اَردَمی‌سن تورک ائلینین عالم‌ده اولاسان دوشمن اَلین‌دن گرَک آزاد ، قاراباغ ! سنه « اِلیـار»دا گونئی تای‌دان اولوبدور بیر یار جان‌ایله ایسته‌ییر ائتسین سنه امداد ، قاراباغ ! .