یار جلوه‌سـی

یار جلوه‌لری دون گئجه بیردن یادا دوشدو کؤنلوم چوخ آجینمیشدی، بو اوزدن دادا دوشدو. قالمیشدی گئچن گونده قارانلیقدا خیالیم فکریم دورولوب ایندی، ایشیق هر زادا دوشدو. جان سانکی یادیرغانمیش‌ایدی غم باتاغین‌دا قورتولدو باتاقدان داها آیدین آدا دوشدو. مخروبه‌یه دوشموشدو یولوم، بایقوشا بنزر مخروبه‌دن آیریل‌دی یولوم، آبادا دوشدو. عشق اولدو، منیم جان دویونوم بیردن آچیلدی شیطان گؤزونه سانکی بو ایشدن قادا دوشدو. دوست اولدو کؤنول عشق‌ایله، توتساقدان اوزولدو یئردن-گؤیه عشقینده یارین، بیر جادا دوشدو. شیرینه گؤره ایسته‌دی یارسین داغی فرهاد داغ دینمه‌دی، عشقین یاراسی فرهادا دوشدو. یار- یار دئیَن « اِلیـار»! چکر عشقین ده بلاسین عشقینده بلا، هم کیشی هم آروادا دوشدو. .