84
بیر شاعرم
بیر شاعرم
بیر شاعرم ائللر! سیزه ، تورکمانچایدان
سایاندا سیز شاعرلری، سالمایین سایدان.
عشقینده آلدیم شعریمه آی آذربایجان
یازدان یاشیللیق خصلتین؛ ایستیلیک یایدان.
ائل بایراغی دوشمز یئره اَللردن آنجاق
هارایلا قوی گَلسین سَسین هر ایکی تایدان.
شاعرلره الهام وئردین گؤزللیکلردن
اَسیرگمه آنجاق منه هئچ گؤزل پایدان.
آراز نهدیر ؛ بیر گؤز یاشی آیریلیقلاردان
من دینلهدیم دویدوم ائلین دردین بو چایدان.
قارانلیغین اوردوسویلا توتماز اخلاقیم
کؤنلوم سئویر یار- یولداشی، اولدوزدان، آیدان.
من « اِلیـار»ام، ائل سئوگیسین گؤزدن آتمارام
یوخدور منیم قورخوم داها هایدان- هارایدان.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.