آلینی داغلی

گَل کی، هجران ائله‌ییب دیر دؤشومو غم قالاغی یاناغین اوستون آراز ائیله‌ییب عشقین بولاغی. غم سیخیر باغریمی سنسیز، یانیرام آتشینه آتشی ، سهل‌دی بیرجان، اَریدر قارلی داغی. آلینی داغلانیب آی گول! کؤنولون، عشقینله اؤزگه‌لرله گئده‌بیلمز، دانابیلمز بو داغی. عشقدن جان دوغولوب، گَلدی حیات عرصه‌سینه عشقینین کؤرپه‌سییَم، گؤر نه سیجاق دیر قوجاغی! کؤنولوم مین کره ده جان سنه قربان ائتسه یئنه عشقینده شهید اولماغا چوخدور ماراغی. زلفو یای، قوی قوخوسو هر یئری هرگون بوروسون ائت بوتون یئللری عالم‌ده بو زلفون داراغی. عشق بیر باغدی، سینیرسیز، واری‌دیر هرگولدن سونونا چاتماز اونون، کیمسه‌نین آنجاق آیاغی. ائیله بولبول‌لری بیر شانلی مغنّی عشقه اونلارین نغمه‌سی‌نین، قوی هامی اولسون قولاغی. عشق اولان یئرده قارانلیق ائده بیلمز جولان عشق دیر عاشقه چون بیر ابدی جان چیراغی. عشقدن هانسی کؤنول قویسا حنا اَل‌لرینه گئتمز اَل‌دن، ابدی‌دیر بو حنانین بویاغی. عشقی‌نین آنلامینی آنلاسا هرکس بوردا فانی دنیایه باش اَیمز، آچیلار قاش- قاباغی. بیرگون « اِلیـار»! بوتون عالم یارین عشقین دویسا قیریلار اورتادان آرتیق فله‌یین قان چاناغی. .