گؤزلری دنیـز

او زماندان کی، منیم قارشیما گول‌یار گَلدی اؤزگه کویوندا دولانماق منه بیر عار گَلدی. ناز ایله آددیم آتارکن اوزومه بیرگولدو قارا قاش-گؤزلری، جان کویونا خَمّار گَلدی. گؤزلری سانکی دنیز، آل یاناغی بیر بوستان دؤشلری جان گؤزومه، بیر یومورو نار گَلدی. تئلی سرمیشدی یئلـه ؛ یئل اونا مضراب اولموش بو گؤزللیک گؤزومه نغمه‌لی بیر تار گَلدی. ائله کی، دوشدو گؤزوم اوندا گئنیش معنایه قارا دنیا اَته‌یی کؤنلومه چوخ دار گَلدی. جان،کدَر دوشموش‌اودو منده، کؤنول ویرانه یارین ایلکین باخیشی کؤنلومه معمار گَلدی. عشقه دوشدوم نئجه کؤنلومده قیامت قوپدو ایپه‌یاتماز هوَسه، عشقدن افسار گَلدی. کیمسه یولداش! کؤنولون وئرسه بوگون اغیاره گؤره جکدیرکی، کؤنول ساغ گئدیب، آخسار گَلدی. گئچدی یار، گئتدی منیم گؤزلریمین قارشیندان آیریلیق پرده‌سی‌ده اورتایا دیوار گَلدی. چکیرم عمر بویو ، غم یوکونو هجرینده اؤلمه‌دیم؛ غمله قوجالدیم، باشیما قار گَلدی. آرخایین دؤز داها هجران اودونا آی اوزان بیرگون آنجاق گؤره‌جکسن سنه احضار گَلدی. گَل ادب ملکونه عاشق! حله یانلیز قالما بوردا یولداش سنه بیر عشق‌ایله « اِلیـار» گَلدی. .