عشقین صبحی

دون گئجه یارین اَلیندن ائله کی، جام آلدیم عشق صبحون چاغیریب؛ ظلمته فرجام آلدیم. عشقه وئردیم ایکی گونلوک یاشامی دنیاده سون حیاته ابدی سورمه‌لی ایّام آلدیم. چیی ائدیلمیشدی ازلدن منه هر زاد قسمت عشق کویوندا بیشیردیم اونوکی، خام آلدیم. عشق‌سیز، آد یوخ‌اودو ، شُهره یوخ‌اویدور منده عشقدن هر یئره سس دوشدوکی، من نام آلدیم. ایندی بیر سئوگیلی‌نین کؤلگه‌سی وار باش اوسته کؤلگه‌سیندندی کی، من کؤنلوم اوچون کام آلدیم. توت بو صبحون اَته‌یین سن ده آی‌« اِلیـار»! دائیم اولماسین کی، دئیه‌سن صبحو وئریب، شام آلدیم! .

کؤنلومو تاراج ائله‌یَن گولدو بو عشقی منه تاج ائله‌یَن گولدو بو. سانکی کمان دیر قاشی، کیپریک‌لر اوخ باغریمی آماج ائله‌یَن گولدو بو. چکدی بو بازاره گؤزل جلوه‌سین جلوه‌نی حرّاج ائله‌یَن گولدو بو. سفره باغیشدان آچیب اوزان‌لره توخ کؤنولو آج ائله‌یَن گولدو بو. سئوگینی جانلاردا بیشیرمک اوچون سینه‌لری ساج ائله‌یَن گولدو بو. بولبوله نـاز ایلـه باخارکَـن گؤزل گؤزلری قایقاج ائله‌یَن گولدو بو. سرچه‌یه بنزر باغینا قونموشام سرچه‌نی دورراج ائله‌یَن گولدو بو. « اِلیـار»-ا شعرینده، گؤزللیک‌لرین گؤر نئجه موّاج ائله‌یَن گولدو بو . .

کؤنلومو تاراج ائله‌یَن گولدو بو عشقی منه تاج ائله‌یَن گولدو بو. سانکی کمان دیر قاشی، کیپریک‌لر اوخ باغریمی آماج ائله‌یَن گولدو بو. چکدی بو بازاره گؤزل جلوه‌سین جلوه‌نی حرّاج ائله‌یَن گولدو بو. سفره باغیشدان آچیب اوزان‌لره توخ کؤنولو آج ائله‌یَن گولدو بو. سئوگینی جانلاردا بیشیرمک اوچون سینه‌لری ساج ائله‌یَن گولدو بو. بولبوله نـاز ایلـه باخارکَـن گؤزل گؤزلری قایقاج ائله‌یَن گولدو بو. سرچه‌یه بنزر باغینا قونموشام سرچه‌نی دورراج ائله‌یَن گولدو بو. « اِلیـار»-ا شعرینده، گؤزللیک‌لرین گؤر نئجه موّاج ائله‌یَن گولدو بو . .