مجنونا تـای

مجنونه تای اولدوم کی، لیلا منی اؤلدورسون باش چؤللره قالدیردیم، صحرا منی اؤلدورسون. رؤیاده ده گؤرسم اول، هر مُلکه سلیمانی جان بیر ده اویانماز تا ، رؤیا منی اؤلدورسون. عشقین دنیزین یارب! موّاج ائله دنیاده قوی دالغالار آلتیندا، دریا منی اؤلدورسون. عشقین نه سالیب‌دیر گؤر، عالم‌لره بیر غوغا آیریلمارام عشقیندن، غوغا منی اؤلدورسون. آل نوختامی دنیادن، تاپشیر منی معنایه آلسین منی مَنلیک‌دن، معنا منی اؤلدورسون. بیر جلوه‌دن عالمده، سودایه دوشوب کؤنلوم بیر جلوه ده گؤستر قوی، سودا منی اؤلدورسون. هر حالدا دئییب « اِلیـار»، لطفونده گؤزوم چوخ‌ وار عشقینده یاراشمازکی، دنیا منی اؤلدورسون! .