کؤنـول

باخ گؤر نئجه بولبول‌کؤنول، وورغوندو منده عشقیندن آی یار! قالماییر بیرگون وطنده. عمروم بویو آردینجادیر هجران قیشیندا داغ- داشلاری هرگون آشارکن قاردا، چنده. جاندان سئویر قورسون یووا بیر ساچلاریندا یاش گؤزلری قالمیش ازلدن چونکو سنده. گَل آیریلیقدان چوخ یانیر کؤنلوم گؤزل یار! یار- یار دئییر، هئی غم یئییر، هر چای- چیمنده. یاز بیر دؤنم دیر بنزه‌دَر بولبول وصاله یاز ائیله گولسون بولبولوم، گوللر گولنده. سندن قوی عطرین آلماغا هرگول دیلَنسین جئیران دا پایسیز قالماسین اوندان خُتنده. بیر دامجی دیر هرگول گؤزللیک قایناغیندان سندن گؤزللیک دویموشام من یاسمنده. هئچ گول کؤنول‌تک بولبوله سن‌تک گول اولماز آل کؤنلومو قوی خسته‌لیک سولسون بدنده. من یئرده یارب! بیر ده‌یَرسیز توپراق‌ایدیم بیر داملا عشقیندن، عقیق اولدوم یمنده. عشقینده قوی جان‌بولبولو « اِلیـار» اؤلَن گون یاحق دئسین، یاحق دئسین، حتی کفنده. .