28
پارلا
پارلا
گَل پارلا هرآخشام آیا تای، گون باتان چاغی
آیدینلیغی ظالم گئجه، گؤزدن آتان چاغی.
قورتار قارالیقلار قویوسوندان گؤزل! داها
مصرینده عزیز ائت منی قارداش ساتان چاغی
گَل سینهمی ساقی! ائله سن، عشقه بیر قدح
غمدن بو فلک سیرتیما بیر یوک چاتان چاغی
زلفونده گؤزل! قوی قوشا تای، باغلاسین یووا
عشقینده سنین کویونا کؤنلوم چاتان چاغی
بختیم کی، اویاق اولماسا چیخماز دان اولدوزوم
یارب! سن اویات بختیمی آرتیق یاتان چاغی
ایمانین آریندیر کؤتولوکلردن « اِلیـار»ین
ایمانینا شیطان کؤتو بیر زاد قاتان چاغی
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.