یار اولان یئرده

یارا وورغون کؤنوللردن، آد اولار یار اولان یئرده اونودولموش گؤزللردن، یاد اولار یار اولان یئرده. گونشه قول آچار داغلار؛ یاشایارگول گولن چاغلار آرینار توز باسان باغلار، شاد اولار یار اولان یئرده. بزه‌نَر هرکؤنول شهری؛ توکه‌نَر آیریلیق زهری آجی دویموش آغیزلاردا، داد اولار یار اولان یئرده. آزالار غم، اینانج آرتار؛ هره اؤز اَکدییین دارتار داها بیل، هرنه شیطان وار، یاد اولار یار اولان یئرده. یارین عشقینده وار بیر اوز ؛ گئجه‌نی ائیله‌یَرگوندوز آرادان قالدیرار ظلمو ؛ داد اولار یار اولان یئرده. قیش اؤلر، یاز گلَر « اِلیـار»! اوزه گوللر گولَر « اِلیـار»! بونو دا بیل کی آرتیق هر زاد اولار یار اولان یئرده! .