قوشما منی!

اوجا ربیم! سنی باشدان آتانا قوشما منی! بورونوب غفلته، غمسیز یاتانا قوشما منی! بیر صدف دیرسه جانیم، اینجی سینی ایمان ائله سوته سو، دَن- دؤشه داش- قوم قاتانا قوشما منی! منه قرآن اوخویارکن، ایچین آنلات گئجه لر بو کتابدان اؤزونه یوک چاتانا قوشما منی! کرم ائت، بیر دوغودان قوی چیخیم عشق عالمینه گئجه نین باغرینا بایغین باتانا قوشما منی! منی دار گونده اؤکـوزلرکیمی قوشسان جوته، قوش ساقین آرسیز، کؤتو بیر شارلاتانا قوشما منی! بیر حیات یولداشیم اولسون، ایچی دوز اولسا یئتر عقلی آز، گؤزلری سیرتیق ماتانا قوشما منی! قلمیم سؤیله ییر « اِلیـار»، بونو آرتیر غزله شرفین، ایمانین آرتیق ساتانا قوشما منی! .