11
پاشـا گَلسین
پاشـا گَلسین
سئوگی ملکوندن آی الله پاشا گلسین
آیدین اولسون قورو گؤزلر یاشا گلسین.
بیزه دویغون گؤز ایله یار دا باخاندا
قارا کیپریکلر اوزانسین، قاشا گلسین.
قوی وئریلسین داها اَلدن- اَله گوللر
گولر اوزدن ده بزَک یولداشا گلسین.
یاخشیلار مین یاشاسینلار بو جهاندا
ظلم ائدنلر عمرو تئز باشا گلسین!
قورو انسانلیغی عالمده آی الله!
شیطانین آرزو باشین چال داشا گلسین!
آچ محبت بولاغین دؤشلریمیزده
قوی سئوینج اوردا اوزون بیر یاشا گلسین.
« اِلیـار»ین آرزوسودور، سؤیله ییر الله!
عشقی نین قوی هاواسی هر باشا گلسین!
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.