آرزو

گونئیده گون، قوزوئیده بول قار اولسون چیمنده گول، آغاجدا دا بار اولسون! قارانلیغی گونش بوغوب بیتیرسین یامان گونه گلنده، یول دار اولسون! ائلین غمی سینیب، یانیب، یاخیلسین اَلی، قولو، آیاقلاری وار اولسون! اورَکلرین ایچینده جان سئوینجی بولاق کیمی، سورَکلی قاینار اولسون! گلین لییین هر ائلده قیز گئیینسین بَه‌ی اوغلانین اَلینده بیر نار اولسون! موغام سویو کؤنول‌لره یاییلسین هر اَلده بیر کمانچا، بیر تار اولسون! چتین زماندا ائل یوکون چکن‌لر اوسانمایان، گؤزل اوغوللار اولسون! شرفلی باش ائلین، دیلین اونوتماز ائلین، دیلین ساتانلارا عار اولسون! کؤنول قوشوم خیال گؤیون گزرکن زمان- زمان دیلینده یار- یار اولسون! کرم قیل الله! عشقینه یانارکن حقیقتی دئین دیل، « اِلیـار» اولسون! .