کریمی- (ماراغالی شاعریمیز میرزا حسین کریمی‌یه)

گوجلو بیر اؤلکه‌یه شاعردی «کریمی» یوخدو سبکین‌ده تایی، بیردی «کریمی». بیرگؤزل اینجی دیر ائل‌لر دنیزین‌دن باغا، هر باغچایا انجیردی کریمی. آدلی دیر، سانلی دیر ائل‌لر آراسین‌دا طنز شعرینده ده نادردی کریمی. شعرینه قوردو یَهَر، گولمه‌لی‌لردن اونا حق سؤزلری میندیردی کریمی. هاردا غم قارغاسی، بیر ذیروه‌یه قونسا اونو ائندیرمه‌یه حاضردی کریمی. دیلی‌نین قالخانی دیر، آی کؤنولوم بیل کدَرین قارشینا شمشیردی کریمی. سئوگی دیرچَلدی، سئوینجین سویو آخدی هاردا هر مجلسه کی، گیردی کریمی. او قوجالمیش‌سا دا، آغ ساققالیمیزدیر حله ده یازماغا قادردی کریمی. اَن گؤزل دویغولاریندان، دئدی « اِلیـار» کی، بوتون غم‌لره زنجیردی کریمی. .