یاشیل شهـر

« تورکمانچای»دی گؤزللیک‌ده وطن سلطانی آلیشان عشق اودونا، حقّی سئون آسلانی. شانلی آددیر قوجا دنیاده، یاشیل جنّت دیر آپاریر عقلینی، حیرت‌ده قویور انسانی. بورا بیر سئوگیلی یئردیر، بیلین آرتیق قدرین اوخویار بولبولو، داغلاردا گزر جئیرانی. گؤسترر کیمسه قوناق گلسه بؤیوک حرمت‌لر سوپورر هم کوچه‌نی هم بزه‌یَـر ائویانی. ایش بیلَن ایشچیسی چوخ واردی مهندس‌دن باش تورکمانچای‌لی دیر آباد ائله‌یَـن ایرانی. تورکمانچای وطنین ساغ قولودور هر ایش‌ده دالغالانماقدادی باغرین‌داکی عشق عمّانی. بزه‌ییر اؤلکه‌نی یوز ایل‌دی بو شهرین اهلی اؤزو یوخسول‌لوغون آلتین‌دا، قارالمیش قانی. ملکو آباد ائدَرَک، بیر ده ساواش دوورونده ایکی یوز اَللی شهید ائتدی وطن قربانی. ساغدیلار ساغلیغین آنجاق، اونو خان‌لار سونرا آیاق آلتین‌دا قویوب، دیکله‌دی‌لر تهرانی. سَکسَن ایل دیر بورا بیر بخش دیر آی مسئول‌لار ! قورون آرتیق آدینا اورتادا شهرستانی. بَللی بیر حقدی بو ایستک، بیر اوزون ایل‌لردیر قویماییر حقّـه چاتاق، دؤرد آرالیق شیطانی. قیما چوخ ظلم اولا بو بؤلگه‌یه سن، آی دولت! ظلم اَکَر یئل، تؤره‌در دؤش‌ده آغیر توفانی. چوخ زمان گؤزله‌میشیک یول کی، عدالت گلسین چون عدالت‌دی بیزیم دردیمیزین درمانی. بو یاشیل شَهره وئرین حقّینی تا وقتین‌ده دوشمنین قارشینا چیخسین، اوخوسون میدانی. غم اگر قیرماغا بو شهره قیلینجین چکسه جانین « اِلیـار» ائدر عشقینده اونون قالخانی. .