گتیردیـن

گَلدین آی گول! گولوشو بیر ده گولوستانه گتیردین یازی یازدین، یئنه ده بولبولو بوستانه گتیردین. اؤلو یئر ، مرحمتین‌دن جان آلیب، بیر ده دیریل‌دی چؤل‌لری، یایلالاری سونبوله، ریحانه گتیردین. برکت سفره‌سین آچدین بو جهانین اوزَرینده کرمین‌دن بیزه دَن بوردا ده‌ییرمانه گتیردین. ابدیت بولاغی جوشمادادیر سنده ازل‌دن اوندان عشقین سویونو بوردا بیزیم جانه گتیردین. ایشیغین هر باجانی دؤیدو، بوتون گؤزلری آچدی اومسودارکَن گئجه‌نی، رحمتی انسانه گتیردین. سن گلَن گونده سئوینجین چیراغی یاندی جهاندا عالمی شوره سالیب، کفرو ده ایمانه گتیردین. سینادین عاشقی سن دهرده محنت آراسین‌دا رحمتین‌دن دولو پای، دوغرو مسلمانه گتیردین. قویما کی، سانجا قارانلیق علَمین عالمه شیطان سن کی، عشقین علَمین ایندی بو میدانه گتیردین. « اِلیـار»ی عاشق ائدیب، بوردا غزل ملکونه چکدین شعرینی سن بو گؤزل دفتره، دیوانه گتیردین. .