75
سئوگیلـیمه
سئوگیلـیمه
من گونده محبت اومارام سندن، اَزلدن
اَل چکمرم آرتیق سنه تای نازلی گؤزلدن.
شیطان چالیشیر اومسودا سندن منی بیرگون
قورتار منی یارب! او یاپان یاغلی دغلدن.
هر یاخشی عمل اوزانه بیر شانلی نشان دیر
واز گئچمرم عشقینده گؤزل! یاخشی عملدن.
عشق اوردوسونون جان قوروماز عسکرییَم من
اؤلسمده من عشقین علَمین قویمارام اَلدن.
هجران یئلی، گَل، چکدی خزان فصلینی عمره
عمرون باغینین توپراغی قویلاندی خزلدن.
بیل، منده وصال آرزوسونون گوللری سولماز
حتی کی، خبر گلسهده بیرگون بیر اجلدن.
عشقین یولونون مشکلی شیدایه محک دیر
عشقایله نه قورخوم اولاجاق بیر ده هچلدن.
بیر شمعایدی شاعرلـره سندن گلن الهام
عشقینده یازیر، دویماییر « اِلیـار»دا غزلدن.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.