یول و یولـداش

دوز یولداش اولان، یولداشا دوز یولدا، داش اولماز قارداشدان اولان یولداشا تای، آرخاداش اولماز. سن هر یولا، هر یولداش‌ایله دوشمه، آمان دیر هر یئرده گؤیرمیش تره‌دن، دادلی آش اولماز. یولدان قاباق اؤز یولداشی‌نین عقلینی یوخلا هر اَل‌ده اوغولموش دری دوزگون توماش اولماز. دوز یول یئتیرر مقصده انسانلاری، آنجاق جانلاردا کدر اولماسا، دوستوم! ساواش اولماز. دوز یولدا یورو، دوز یاشا، دوزلوکده یاشام سور دوزلوکده دئییم ؛ اَیله‌نه‌نین آلتی یاش اولماز. ائل بایراغینی بیرجه اصیل باشچییا تاپشیر هر قورغویا، هر ذاتی قیریقدان کی، باش اولماز ! آلچاقلارا دنیاده گووَنمز آییق انسان آلچاق گتیرن گؤز ، اونا بیر اَیری قاش اولماز. گَل آرخاداش اول دوزلره، انسان یاشا « اِلیـار»! انسان اولانین فکری اَییلمز، آلاش اولماز. .