گَل آی پاشـا

باغریمی آیریلیق سیخیر، گَل گؤزلیم! گَل آی پاشا گؤزله‌میشم یاشام بویو، گؤزده یاشیم داشا- داشا. غم قوشونو سالیب منی حصره آماندی رحم ائله باخ یاناغیمدا سئل کیمی قانه دؤنوب آخان یاشا سوردون « اَلَست»ین آخشامی، قوللوق اوچون دئدیم بلی دوشدو او گونده گؤزلریم سنده گؤزل قلم قاشا. قوردو فلک نه‌دَن دوزاق، سالدی منی بو چؤللره عهده وفا ائدنمه‌دیم، دَیدی منیم اوخوم داشا. من بو جفا چؤلونده بیر عشقینه چوخ گووَنمیشم تاپشیر آغیر سفرده‌یَم بیرجه منی بو یولداشا قاف داغینین باشیندا دا ، اولسا بو عشقین اَردمی جانه گرَکدی قاف داغین، شوق‌ایله گونده دیرماشا. باشدا گؤیون هواسی وار، سانکی قفسدی یئـر منه گَل بو قفسده گؤر گؤزل! منده نه‌لـر گلیر باشا اؤزله‌میشم گؤزل! سنی، قیر قفسی، گؤتور منی آل بو یامان گونون باشین، عمرونو تئز یئتیر باشا خلقه یاپاندا یاغلی آش، بوردا قارانلیغین شاهی سن قورو قوی باتیرماییم، بارماغیمی حرام آشا. « اِلیـار»! آییرما کؤنلونو، یاردان آماندی بیر زمان سن یارا جان وئرن گونو، قوی ابدی دئسین یاشا .