قارانلیـق

اومود اولسا بیزده؛ اولار آز قارانلیق گونشین اؤنونده، یاشاماز قارانلیق. ایشیق اولسا جاندا؛ ساقین اذن وئرمز کؤنولون گؤیونده، اولا قاز قارانلیق. اوره‌یینده بیر آز، ایشیق اولسا یولداش بوغابیلمز آرتیق، بو دایاز قارانلیق. گئییم آل گونشدن؛ سنه بلکه بوردا قارا یاخماغیندان، گئچه واز قارانلیق. گونشیم! یاراقلان؛ او قدرکی، قوپسون فله‌یین دونوندان، بو قوتاز قارانلیق. قارالیق، قاریندا بوغولوب، دوغولسون بالا سالسین الله! بو بوغاز قارانلیق. گئجه دوستاغیندا، اوره‌ییم سئوینمز نه قدر ده آلسا، اَله ساز قارانلیق. داها گئتمز « اِلیـار»، گئجه‌نین دالینجا نه قدر اؤنونده، ائـده ناز قارانلیق. .