غم سئلـی

داشلانیر یارب! نه‌دَن دؤشلرده دنیانین غمی چولغاییر بیر سئل کیمی هر یئرده، هرگون آدمی. سوی قیران سئلدیر بو غم، بیر چاره قیل انسانلیغا نوحو گؤندرخلق اوچون هر جاندا قورسون بیرگمی. چایدا سئل جان آلسا دا، دیندن، شرفدن واز گئچر بوغمایینجا غم سئلی، اَلدن بوراخماز اَردمی. گَل قوروت غم قایناغین جانلاردا، شیطان تیتره‌سین شیطانین قوی اَسمه‌سین دؤشلرده چیرکین پرچمی! قوی یاشیللانسین کؤنوللر؛ گوللوک اولسون باغچالار عشقدن یاغمور دا گؤندر، بیر سئویندیر عالمی. قویما گوللر سولدورولسون؛ بولبولون باتسین سسی یاز توکنسین یا پوزولسون بوستانین گول گؤرکمی. اذن وئر غم دالغالاسیندان جان سیغینسین عشقینه بیرجه عشقین کؤلگه‌سی اولسون بو دردین مرهمی. هر یئره سنسیز آیاق قویدوم گؤزل! گؤردوم خزان بیر سنین کؤلگنده اولموش هر دؤنَم یاز موسمی. غم اَلیندن قویما کؤنلوم باغداشین قورسون داها بیر قدح وئر عشقدن سن آی شرابین حاتمی. بیر یارین عشقییله « اِلیـار»! غم بیتـر؛ جان یوکسه‌لر عشق دیر جاندان غمی قالدیرماغین یانلیز چمی. .