38
آی آنـا !
آی آنـا !
عشقی منه جان ائلهدین آی آنـا
دردیمی درمان ائلهدین آی آنـا.
دوغدون، اورَکدن منه لایلای دئدین
نَننینی بوستان ائلهدین آی آنـا.
چکدین اوشاقلیق یوکومو عشق ایله
سوت وئریب، آسلان ائلهدین آی آنـا.
سن منی گولدورودون، اؤزون آغلادین
گؤز یاشین عمّان ائلهدین آی آنـا.
ائوده محبت اَلی تک الله- ین
سئوگینی سلطان ائلهدین آی آنـا.
دوب- دورو بیر سئوگییه اولدون بولاق
عالمی حیران ائلهدین آی آنـا.
نیسگیل آتان گونده اوخون، سن منه
سینهنی قالخان ائلهدین آی آنـا.
دوشدون آیاقدان من اوچون دهرده
تاکی، بیر انسان ائلهدین آی آنـا.
دؤزدون آغیر محنته، ییخدین غمی
باغرین ایرینقان ائلهدین آی آنـا.
سیندی دؤزوم قامتی؛ سن سینمادین
صبری پریشان ائلهدین آی آنـا.
آتمادین آنجاق، منی جان ملکونه
سانکی سلیمان ائلهدین آی آنـا.
ایسته دی « اِلیـار» سنه قربان اولا
سن جانی قربان ائلهدین آی آنـا.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.