40
فلـک
فلـک
فلک ایستَر اؤز اونون هئی اَلهسین
یئنه قورسون بیزه هرگون تلهسین.
بیرینی بخت آتینا میندیرسین
بیرینین آل قانا باغرین بلهسین.
نهدَن ایستر بیری چهچه وورسون
بیری محنتده قویون تک ملهسین
بولبولون یوردو داغیلسین باغدا
یئرینه قارغا گتیرسین جلهسین.
سیندیریر دورنالارین قول- قانادین
بوراخیر چؤللره اؤزگور دلهسین.
بیرین آرتیق گؤتورور سوت گؤلونه
ایستهییر باشقا بیرین اؤوکـهلهسین.
کؤرپه واردیر بؤیودور دؤرد آنالی
کؤپه واردیر آلیر اوندان لـهلهسین.
یئر اوزون کیملره میدان ائلهییر
گؤر چاتیر کیملره محنت شلهسین!
وقت اولور، خلقه چالیر تار- قاوالین
وقت اولور کنده سالیر زلزلهسین.
توز آچیر عالمه غم کویوندان
قاتیر آنجاق بشرین حوصلهسین.
بو جهان کهنه چیمن دیرکی، فلک
اوتاریر اوندا اؤلوم تک کلهسین.
بو فلک « اِلیـار»ی دا اوخلاداجاق
اودو گیزلینده قویوب حرملهسین.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.