دایـان!

گئدیرسن آی گؤزلیم! گئتمه؛ بیر دایان گلیرم دئه، منزیلین هارادیر؛ اولسا هر هایان، گلیرم. مینیبسن آی قارا گؤزلـو! اؤنومده ناز آتینا آیاق یالین منه باخ گؤر، نه تور یایان گلیرم قیزیل ساچین یاییلارکن، کؤنول گؤیون بورویوب چکیبدی باغریما خنجر؛ ائدیبدی قان، گلیرم. یوخومدو قورخو سن اولسان، جهاندا قیرگئجه دن دالینجا عشق ایله من سانکی ارسلان گلیرم. دوشور ده هئی یادیما آی گؤزل! گؤزل باخیشین یوخومدو کیپریک اوخوندان منیم امان، گلیرم. بوراخما سن منی یانلیز ،کی آیریلیق دردی حیاتیمین یازین اَن تئز ائدر خزان، گلیرم. اورَکده سولدورار آرتیق، چوخ آرزولار چیچه‌یین خیالیمین گؤیون آنجاق باسار دومان، گلیرم. گئدرسن آی گونشیم! سن، دومان سالار قارالیق گونوم-گونومدن اولار بیل کی، چوخ یامان، گلیرم. سارای کیمی نییه مندن گئدیرسن آیریلاسان؟ دالینجا من نه یازیق! سانکی خان چوبان گلیرم. گؤتور بوگون منی آی‌گول! اؤنونده سؤز وئریرم باخیشلارین داها مین کز آلیرسا جان، گلیرم. بیر آرزودور سنه قربان وئرم بو جان- جییاری اودون کیمی منه آنجاق دئسَن ده یان، گلیرم. اَلیندن آل گئجه‌نین بیر نظر قیل « اِلیـار»ی دا یانینجا هریئره گئتسَن؛ دئییر اوزان گلیرم. .