خزان

خزان گلنده سویوبدور یاشیل دونون چیمنین حالین سور آی کؤنولوم! بیر، چیمنده یاسمنین. چون ایسته ییر بوغا باغلاردا بولبولون سسینی چکیبدی باغلارا باخ گؤر نه تور زاغین- زغنین! سالیبدی فیرتیناسین هر یاشیل باغین جانینا ائدیبدی بولبولو یالقیز ؛ یاخیب اونون وطنین. اَلینده شاللاغی واردیر سازاقدان اول چاپارین چاپاندا داغلاری آلمیش جانین یازیق گوَنین. بو دنیانین غمی تایدیر خزانه آی کؤنولوم! بزَکلی دوشمنی دیر بوردا هرگلیب- گئده نین. تالانچی دیر غم اؤزو؛ سن ده بیر یمن ملکو بیلیرکی، چوخلو، ده یرلی عقیقی وار یمنین. بیر الله عشقدی قارشیندا سینمایان قالخان سیغین سون عشقینه یانلیز امان واریندی سنین. کیم ایسته ییر اولا عشقین شهیدی آی « اِلیـار»! یاشام بویو دئه گرَکدیر سویونماسین کفنین! .