قارا یئـل

بو اؤلکه نین قارا بیر یئل چیخاردی گؤز یاشینی یاخاندا خوش گونون آردین، ییخاندا دام- داشینی. گلرکن ایسته دی ملکو، گلین کیمی بزه سین چیخاردی گؤزلرین آنجاق، آلاندا هرقاشینی. اویان- اویان دئییر آنجاق، یاییر اویوشدوروجو بو اوزدن ائل زمیسینده اَکیر ده خاشخاشینی. بزَکلی پرده آسیبدیر ایشیقلیغین اؤنونه گونشدن آزدیرا بلکه، ایشیق سئور ناشینی. یاشیل دونون گئیینرکن، ریانی مرکب ائدیب یالانچیدان، باش اَیَندن گؤتوردو فراشینی. آیاق یالینلاری ییغمیش دبیلقه کؤلگه سینه بو خلقه خان بزه یَرکن چوماقلی اووباشینی. یولوبدور اخلاقین آرتیق تویوق کیمی له‌لـه‌یین تمدنون دینه اویغون بیشیرمه‌ییب آشینی. اَزیبدی موتلولوغون دا بو یئل قولون- قانادین کسیبدی گؤر نه آمانسیز، آزادلیغین باشینی! هوس گؤلونده بوغارکن اوغوللارین کؤنولون آییردی چوخ باجیلاردان، وفالی قارداشینی. اودورکی، شیطانی اؤرنَک ائدیب زمان بالاسی تؤکوب بوتون اَته ییندن، محبتین داشینی. عدالتین یولون ایللردی بوردا گؤزله ییرم ماراقلییام سورام اوندان گلیرسه بیر یاشینی. کؤنولده بوغ داها « اِلیـار»! قارانلیغین دوغانین جانیندا قویما یئر آلسین او شیطان اویناشینی! .