چَن‌لـی چـؤل

گَل، حسینین یولون باغلاییب‌لار یالقیز اؤلدورمه‌یین ساغلاییب‌لار گول‌لرین، گول باغیندان دریب‌لر چوخ بو غم‌دن اورَک داغلاییب‌لار کوفه دن، گَل حسین گَل، دئیَن‌لر گؤر نه تزویره دیل یاغلاییب‌لار ! آتلانیب کینه‌لر کربلاده جاندا، قیر قانلارین چاغلاییب‌لار قورخودان، غصّه دن نازلی قیزلار گؤر نه های- های بوگون آغلاییب‌لار گَل یئتیش داده بو چَن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد غم چکیب دیر قوشون کربلایه تا علی اوغلو دوشسون بلایه قاسمی، اکبری اؤلدوروب‌لر یوخدو رحم ائیله‌یَن اولیایه شانلی عبّاسه بیر قیل تماشا باخ بو عسکرده جاندان وفایه گؤر نه قیرغین دوشوبدور بو چؤل‌ده باخ اورَک یاندیران بیر جفایه کؤرپه‌سین اوخلاییب‌لار حسینین نئی ده گلمیش بو غم‌دن نوایه گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد بیرنظر قیل بوگون الامان دیر کربلا چؤل‌لری چوخ دومان دیر بیر سوسوزلوق سیخیب خیمه‌لرده قیزلارین حالی اَن چوخ یامان دیر گَل بو غم‌دن بوگون کربلاده زینبین گؤر نه جور باغری قان دیر اَن گؤزل بیر امامین اؤنون‌ده اکبری، اؤلمه‌یه چوخ جوان دیر رحمی، انسانلیغی اؤلدوروب‌لر چوخ یامان، چوخ یامان، بیر زمان دیر گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد اوخ یاغیر هر هایاندان حسینه دار اولوبدور بو میدان حسینه گَل بوگون کربلا چؤل‌لرین‌ده یئل اولوب گؤر نه توفان حسینه بیر یزید اورتایا اود سالیب دیر سؤیله ییر عشق‌ده یان حسینه بیر بؤیوک عشقه چون مبتلادیر یوخ او اوزدن‌دی درمان حسینه کربلا چوخ آغیر بیر سیناق دیر بیل کی، عاشق‌دی جانان حسینه گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد جان، حسین دینه قالخان ائدیب دیر هر زادین حقّـه قربان ائدیب دیر بیرنظر قیل بوگون کربلاده عشق ایله گؤر نه جولان ائدیب دیر گؤستریب بیر شهامت بو چؤل‌ده عقلی بیر عشقه حیران ائدیب دیر دینه تزویر اولوبدور بیر آفت قـان‌لا بو دردی درمان ائدیب دیر ظلمه باش اَیمه‌ییب دیر بو مولا حقّی هر ایش‌ده میزان ائدیب دیر گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد حاضر اولموش حسین اوددا یانسین تاکی، قارشیندا ظلمون دایانسین بیر سوسوز اصغرین قانی آخدی تا فرات آغلاسین یا اوتانسین آرخا تای آخدی قان کربلاده تاکی، یاتمیش چیچک‌لر اویانسین ابن سعد اؤلدورور اولیانی تاکی، غم اوستونه غم قالانسین کوفه‌نین اهلینه قورخو دوشسون یا حسینی سئونلر اوسانسین گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد ظالم اَل گؤر نه تدبیر ائدیب دیر دین آدییلا نه تزویر ائدیب دیر بیر آغیر باخ بو ملعون یزیده جهلی بو خلقه انجیر ائدیب دیر کوفه‌نین اهلینی اویدوروبدور بدعتی دینه زنجیر ائدیب دیر کفره دین کؤینه‌یین گئیدیرَرکَن شمری بو کفره شمشیر ائدیب دیر غم چالیب بَـم نـوا، نینـواده قورشاییب تولکونو شیر ائدیب دیر گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد امّتین دیر، حسین افتخاری گؤرمه‌ییب دیر تایین غم دیاری ظلمه چکمیش بو مولا قیلینجین سانکی مولا علی ذوالفقاری آنلایانلار حسینین قیامین اوز قویار هر زمان دینه ساری هر زادییلا حسین کربلاده الله-ین دینی‌نین اولدو یاری آلدیلار دوره‌سین کفر ائدن‌لر چکدیلر نیزه‌لردن حصاری گَل یئتیش داده بو چن‌لی چؤل‌ده قویما دوشسون دویون یا محمد سانکی پارلاق گونش دیر حسینین قویما باتسین بوگون یا محمد .