اشعار
80
انسـان
انسان اولان انسانلیغینی توتساغا سالماز چیرکین اَته‌یین لکّه‌لریندن آغا سالماز. آجلیقدا، یامان گونده باسار باغرینا خلقی اؤز کؤنلونون آنجاق باشینی بارداغا سالماز. بیر اؤز قارینیندان اؤتورو کؤی‌ده دیلنمز سولدان دئشه‌رَک، دَن- دؤشو آنجاق ساغا سالماز. قارشیندا یازیق کیمسه‌لری گؤرسه چؤرَکسیز اؤز لقماسینی آرتیراراق، قویماغا سالماز. اَردَملی کیشی بخت آتینا مینسه ده بیرگون بیر باشقاسینین بختین آلیب، قویلاغا سالماز. یوخسول اَلی بیرگون داشینین آلتینا گیرسه سینسیتمز ؛ اونون حاجت اَلین دیرناغا سالماز. چوخ- چوخ چالیشار باغلی قالان یوللاری آچسین دوز یئرده گئدن یوللارین آغزین داغا سالماز. نیسگیل توزو بیرگون بورویوب سیخسا دا باغرین یایماز، بئله توزدان او دامازلیق باغا سالماز. یاندیرسا خزان شاختاسی بیرگولشنی بیرگون یانلیز اؤزون اوندان قورویوب، چارداغا سالماز. آلقیشلا سن « اِلیـار»! کیشیلیک قوی دنیز اولسون گؤیلر ده دنیزسیز گُهرین توپراغا سالماز. .
دیدگاه‌ها (0)
هنوز دیدگاهی برای این اثر ثبت نشده است. شما اولین نفر باشید!
برای ثبت دیدگاه و شرکت در بحث‌ها، لطفاً وارد حساب کاربری خود شوید.
نیاز به حساب کاربری
برای ذخیره آثار در گنجینه شخصی خود، لطفاً وارد حساب شوید.