جلـوه‌لَـن!

ناز ائدرکن، باخ گؤزل! هردن منه جلوه‌لَن، سَپ جلوه‌لردن دَن منه. پارلا، قوی سینسین قارانلیق، چاتلاسین ائت بؤیوک عشقین یولون روشن منه. باش‌‌گؤزوم کافی دئییل سیر ائتمه‌یه آیری بیرگؤز آچ جانیمدان سن منه. بیر دیکَنلیک دیر منه سنسیز حیات گَل حیاتی ائت گولوم! گولشن منه. یاز گتیر، قوی ایستیلیک جان چولغاسین اولماسین قارشیمدا تؤوشوک چَن منه. تئللریندن آچ سرین یئل کؤنلومه ائت سئوینجین سونبولون خرمن منه. قویما یارب ساللاسین غم، کؤلگه‌سین ائیله‌سین خردادی بیر بهمن منه. قورغوسون جاندان داها قالدیر غمین قویما اولسون اؤز آتیم توسن منه بیرکرم قیل من هوسدن سینماییم ائیله تقوا کورکونو جوشن منه. « اِلیـار»ی دنیاده یانلیز بوشلاما قوی شماتت ائتمه‌سین دوشمن منه. .