باش گـؤزل

هاردا محبت کی، وار، اوردا سنین آدین وار هرگؤزلین جانیندا، دادمالی بیر دادین وار. هرنه گؤزللیک کی، وار، بیر یاراشیق دیر سنه هر بیریسیندن سنین، دویمالی بیر آدین وار. عالمه سن اَن شیرین سئوگیلی، آی باش‌گؤزل! دنیادا توپراق سایی، سایمالی فرهادین وار. مرحمتیندن سنین، هر زاد آلار اؤز پایین سئوگی بولوتلاریندان عالمه گورشادین وار. شیطانا آلدانمایان اوزان اونوتماز سنی اوزان اورَک‌لرده چون بیر ابدی یادین وار. یاخشیلیغین سن یولون آچمیسان انسانلارا یاخشیلارین ایچینده هم کیشی هم قادین وار. باش گؤزلین سئوگیسی اولسا دئییم سنده ده سن بئله بیل آی « اِلیـار»! دنیادا هر زادین وار. .