64
امتحان ساحـهسی
امتحان ساحـهسی
توتوب اَلینده فلک آیریلیق جامین
ایچیردیر انسانا اوندان، آلیر کامین.
گولومسونور داها بیرگون هر انسانا
ائدیر قارا اونا بیرگون ده بایرامین.
امید ایله هـرهیه دیکدیریر بیر ائـو
اومولمایان گونو آنجاق ییخیر دامین.
آتیر، توتور هرهنی هرنه تور سئویر
سورور فلک دئییم آنجاق اؤز اوهامین.
گووَنمهیین قارا دنیایه هئچ زمان
چکیب قیلینجینی قیندان، قوروب دامین.
بو دنیا بنزهییر آنجاق یانـار اودا
یاخیر هر انسانی بیر تور، آلیر خامین.
بیر امتحانه اؤزل ساحه دیر حیات
سیناقدا ساغلایار انساندا فرجامین.
بئلین کیم الله- ا دنیاده باغلاسا
سورَکلی صبحه قوشار بیرگون آخشامین.
کرم قیل « اِلیـار»-ا الله! بئش- آلتی گون
اؤلومدن اؤنجه اونون آلسین الهامین.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.