بلالی یـول

گونش یایاندا سحرلر افق‌دا ساچلارینی کؤنول ده اوندا گؤرر اؤز اوزاق دوشن یارینی. محبتین سیجاغین گون، تؤکنده داغ باشینا یاشام کیمی اَریدر هئی بو داغلارین قارینی. او بنزه‌ییر یاریما چونکو لطف دور باشا- باش باغیشلاییر یارا تای دا ، اورَکدن اؤز وارینی. قارانلیق اؤرتویون آنجاق جیریب، دوغار دوغودان قاریشدیرار گئجه‌نین ،گون دوغاندا افکارینی. بو جلوه‌لر بیزه آنجاق حقیقت اؤرنه‌یی دیر چالار دویاندا کؤنوللر ، حقیقتین تارینی. حقیقتی دویان انسان وفالی اوزان اولار جانین دا قویسا بو یولدا، بوراخماز ایلغارینی. بلالی دیر یولو عشقین، نه‌لر یازیبدی فلک قویوبدور اَسکی زماندان، بو یولدا شاهمارینی. یارین یولوندا گؤرورسن اَکیبدی بوللو دیکَن سپیبدی باشقا طرفده ، هوس چکن دارینی. سالیبدی چؤللره قیسی بو یولدا عشق آدینا اوزاق‌دا قویدو گؤزوندن، او لیلی‌تک قارینی. او حلاج اوغلو حسینی سالیبدی عشق اودونا قوروبدو سانکی ازلدن بو اوزانین دارینی. یار عشقی‌نین گونشی هر صفالی جاندا دوغار صفالی جانی سئویرسن، اوتارما بیر قارینی. باشیندا عقله آی « اِلیـار»، اورَکده عشقه یئـر آچ عقیللی باش هوسین هئچ بوراخماز افسارینی. .