سورَکلی پـای

هرگئجه‌مه یقین بیر پارلایان آی گله‌جک گئجمده گوندوزه آی، گلنده تای گله‌جک. داریخما آی کؤنولوم! ایچ عشقی‌نین قدحین بو عشقدن سنه بیل کی، دوغرو سای گله‌جک. گلیرسه هرنه بلا؛ گؤتورمه عشقدن اَل اَل عشقدن چکه‌نین، حیاتی زای گله‌جک. گلنده یار قاراقیش، کؤچوب گئدر بورادان دالینجا بیل بورایا، بیر ایستی یای گله‌جک. هارای دوشنده کی یار ،گلیر بو اؤلکه‌میزه سوینجدن بیزه بیر، سورَکلی پای گله‌جک. باخیب، گولومسونه جک؛ چیمنده بولبوله گول او بولبولون دیلینه، دالای- دالای گله‌جک. محبتین سویو جان- جییاردا قاینایاجاق داشیب، گؤزومدن آخیب، اوزومده چای گله‌جک. کال آیریلیق بیته‌جک؛ گئدین او خان چوبانا دئیین کی، بخت ائوینه، گلین سارای گله‌جک! یار عشقی‌نین سیناغی، چتیندی هر سئوه‌نه گلنده یار، منه هر چتین قولای گله‌جک. آی « اِلیـار»! اویما داها، بو دنیانین نازینا اولورسا چه‌‌چهی ده ؛ دالینجا وای گله‌جک. .