اؤلکـه‌میز

عالمین حلقه‌سینه قاش دیر آذربایجانیمیز اؤلکه میزده یاشایان ملته قربان جانیمیز. ایسته‌ییر ملتیمیز بو قاشا لایق یاشاسین بونا حجت دیر آی ائللر، نئچه مین قربانیمیز کیم کی، جان یاندیرابیلسه وطنین عشق اودونا اوندا واردیر بو لیاقت کی، اولا ائـل‌خانیمیز. قویما الله! دوشه خلقین جانینا یولسوزلار آرتا قوی بلکه اورَکلرده بیزیم ایمانیمیز. بیزکی، اسلامه بوگون باغلامیشیق بئل جاندان هئچ یاراشماز داها شیطان اولا جان سلطانیمیز. آی وطنداشلاریمیز! اَلدن- اورَکدن بیر اولاق حق اوچون بیز دایاناق، آخسا دا باشدان قانیمیز. قویمایین سیز گئیه‌لر تولکولر آسلان دریسین یوخسا اَلدن گئده‌جک حرمتیمیز هم شانیمیز. گنج اوغوللار بو ایشی سیندیره بیلمزلرکی، یئنه شیطانلار ‌ایله قاپسانا هر بیریانیمیز. قاتین اَل، اَللره آی ائل- اوبانین باشچیلاری! یاخشی- پیسدن قالاجاق آد، گئده‌جک کاروانیمیز. داها دوشمنلریمیز سینسیده بیلمز وطنی عشقیمیز اَلده قیلینج اولسا، بو جان قالخانیمیز. دوشمنی عشق ایله پشمان ائله‌سک بیرلیکده گزر آزاد، اوجا داغلاردا گؤزل جئیرانیمیز. « اِلیـار»ین آرزوسودور سوندا عدالت گونشی اؤلکه‌یه گونده ساچارکن، اولا جان درمانیمیز. .