آتـا جـان!

بیرگولومسون کی، یاتان بختیم اویانسین آتـا جان! قوی غمین قورغوسو کؤنلومده تالانسین آتـا جان! عشق دوغموش بیر آیاقسان هم اویاقسان ائوده یوردومون توپراغی سای، عمرون اوزانسین آتـا جان! دایانیقلیقدا دا شهرت گؤیونون اولدوزوسان قوی باخارکن سنه بیر داغلار اوتانسین آتـا جان! چیرپینیرسان گئجه-گوندوز، او قابار اَللر ایله ایسته‌ییرسن جان اوغول عشقینه یانسین آتـا جان! اولدون اولادینا زحمت داغی‌نین فرهادی بیر دعا ائت کی، اوغوللار بونو قانسین آتـا جان! بیزه سن رزق آرادین عشق ایله هر زحمتدن بیرگرَک دیرکی، بونو هر اوغول آنسین آتـا جان! آتالیق عشقی بؤیوک حق دیر اوغول بوینوندا بیلن اولاده یاراشماز بونو دانسین آتـا جان! آتانین حقینی کیم دانسا، دانار الله- ین سؤیله بو نکته نی، قوی هرکس اینانسین آتـا جان! الله- ین کؤلگه‌سی‌سن، سن باشیمین اوستونده قوی کی، « اِلیـار» باشینا گونده دولانسین آتـا جان! .