تورکو دیـل

ربّ‌دن دیر دادلی بیر پای، تورکو دیل دویغولاردان بیر آخار چای، تورکو دیل. دوغرولار هرجمله سیندن نغمه لر تاردا جان‌دیر ، نئی‌ده، نای- نای تورکو دیل. ائللرین وارلیقگؤیونده اَسکیدن قوی دئییم اولدوزدو هم آی تورکو دیل. چوخ آلاشدیر گوللری، بوستان کیمی چوخ سیجاق دیر، سانکی بیر یای، تورکو دیل. تورک ائلین، حوا دوغان گوندن بری نَننی‌لرده اولدو لای- لای تورکو دیل. دیلده بال دیر، اوزده خال دیر، باشدا دا بیر دارانمیش زلفه دیر تای، تورکو دیل. باشقا دیللردن آرینسین، آرزودور اولماسین هئچ بیر زمان زای، تورکو دیل! هاردا غم سوسدورسا آیقین دیللری دالدالانماز، هئی سالار های، تورکو دیل. هر خیالین آنلادار چیلغین لارین گؤسترر معنایه چوخ سای، تورکو دیل. سوسما دوستوم! دور دولان بولبول کیمی هر باغا، بوستانه سن یای، تورکو دیل! سندن « اِلیـار» گول قاتار دیوانینا چون سئویر جاندان سنی آی تورکو دیل! .