وطن عسکری

عشقین من آذربایجانین سینمده عمّان ائیلرم مین جان دا آرتیرسام اونون عشقینده قربان ائیلرم. آی یوردومون دوشمنلری! من بیر یورولماز عسکرم قان دیر قیلینجیم حربده، جان وارسا قالخان ائیلرم. جاندان دا دوشسم حربده، باش اَیمرم دوشمنلره عشق ایله آذربایجانی، جان ائیلرم، جان ائیلرم. آنجاق ساقین، من اؤلکه مین اؤزگورلویوندن گئچمرم جاندان وطن سئوداسینی، کؤنلومده ایمان ائیلرم. جان‌یوردوموزدان دویمارام، من خلقی یالقیز قویمارام دوشمنلرین باغرین وطن عشقییله من قان ائیلرم. من « اِلیـار»ام، من « اِلیـار»ام، اؤز اؤلکمه دوزگون یارام عشقینده چیلغین شعریمی،بیر باغلی دیوان ائیلرم. .