آی یـار

من سنه وورغون اولدوم، سن منه جانان آی یار باغلامیشام سن‌ایله، عشقده پیمان آی یار. جانسیز ایدیم جهاندا، هئچ یوخ‌ایدی امیدیم قارشیما سن چیخان گون، گَلدی منه جان آی یار. ناز ایله سن باخاندا، گئتدی کؤنول اَلیم‌دن عمره سورن قالیب دیر، جان سنه حیران آی یار. یوخدو منیم باشیمدا، باشقا گؤزل هواسی گؤستررم اورَکدن، من سنه ایمان آی یار. آتما منی گؤزوندن، عهده وفالییام من جان ائدرم سنین تک، بیرگوله قربان آی یار. هر ساچینین اوجوندان، مین اورَک آسلانیب دیر داملایا تای سن‌ایله، اولدولار عمّان آی یار. انسانا آیریلیقدان، یوخدو چتین جهاندا آیریلیغین کؤکون کس، قوی قالا انسان آی یار. عشق‌ایله « اِلیـار»ین دا، سال باشینی بلایه بلکه بلا چؤلونده، باغلایا دیوان آی یار. .