78
ایستهییـرم
ایستهییـرم
یوردو هجران قیشی؛ یاردان داها یاز ایستهییرم
گؤزلریندن گؤزومه دوب- دورو ناز ایستهییرم.
چوخ درین دیر هوسین گؤللری جان قارشیندا
داها بو گؤللری قارشیمدا دایاز ایستهییرم.
سئوگی ملکونده بوتون دیللره سنسن محمود
سنه آی گول! اؤزومو بیرجه ایاز ایستهییرم.
یاغدیریبسان بوتون عالمده کرامت یاغیشین
من اورَکدن سنه هر لحظه نماز ایستهییرم.
گَل سئویندیر داها غمدن قوروموش گؤزلریمی
گؤز یاشیمدان یاناق اوستونده آراز ایستهییرم.
گونشین پارلاماسا عمرو سورَنمز کؤنولوم
من ایشیقسیز کؤنولون عمرونو آز ایستهییرم.
غملی سینمده دیکیر جان، یئنیدن عشقه بنا
قامتیندن اونا دقّتلی تاراز ایستهییرم.
اولماسایدی سنین عشقین بو حیات اولمازدی
سنه جان وئرمک اوچون بیر ده جواز ایستهییرم.
سینه سؤز قایناغی اولموش او گولون عشقیندن
دیلده سؤیلم گوجو یوخدور اونا ساز ایستهییرم.
گئدیر اَلدن اورهیین نازلی گلین تک « اِلیـار» !
عشقدن من اونا اَن گوجلو جهاز ایستهییرم.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.