گئتمـه!

گئتمه، گئتسن، باغیریم بیل کی، منیم قان اولاجاق بو حیاتین دنیزی، گونده بوراغان اولاجاق. منی هجران غمی چوخ آغلاداجاق دیر بورادا گؤز یاشیمدان اَته‌ییم بیر دلی عمّان اولاجاق. اولماسان، چولغالایار دردی منی دنیانین اول کی، اولغون باخیشین دردیمه درمان اولاجاق. منه دور بیرکره باخ بیرگؤزلیم! ناز ایله گؤزلریم گؤزلرینه گؤر نئجه حیران اولاجاق. منه سنسیز بو جهان سانکی قارانلیق اوبادیر بو قارانلیق اوبانین شُهره‌سی شیطان اولاجاق. آی اَزلدن گؤزلیم! گئتمه، دایان، رحم ائیله بوردا غم یوردو سن اولسان داها ویران اولاجاق. سن گؤتور قوللوغا قوی من باش اَییـم قارشیندا سنه قوللوقدا جانیم بیرگؤزل انسان اولاجاق. عشقی گؤندر داها جان ملکونو جانلاندیرسین سنین عشقیندی کی، بو ملکه سلیمان اولاجاق. کیمسه عشقین اَته‌یین‌دن یاپیشیب، یول گئتسه گؤیلرین اوستو اونون کؤنلونه میدان اولاجاق. هر زمان « اِلیـار»-ا یار ایله گؤروش اَل وئرسه تحفه‌سی جان‌ایله، عشقینده‌کی دیوان اولاجاق. .