59
اوروجلـوق
اوروجلـوق
خلقه گؤزل آی گتیرر اوروجلوق
یاردان اؤزل پای گتیرر اوروجلوق.
رحمتی ایمان گؤزهسیندن آلار
سانکی آخار چای گتیرر اوروجلوق.
تئـز اَریدر جان دامینین غم قارین
قیش یئرینه یای گتیرر اوروجلوق.
شوقا سالار جاندا سخاوت قوشون
نعمتی تای- تای گتیرر اوروجلوق.
اَیمهیه باش خلقه، ملکلر ائنَـر
مؤمنه چوخ سای گتیرر اوروجلوق.
عشقی چکر هرگئجه جان ملکونه
غملره آخ- وای گتیرر اوروجلوق.
غم باداغیندان آچار « اِلیـار»! سنی
کؤنلونه نای- نای گتیرر اوروجلوق.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.