باخ!

آچ گؤزلرینی وارلی داداش! یوخسولا بیر باخ! یالقیز یاشایان، بوردا اوغولسوز دولا بیر باخ! پای- پوشک ائله واردان، نه قدر گلسه اَلیندن خیر ایشلر اوچون، بانکادا یاتمیش پولا بیر باخ! سن وارگوجونه، ائیلمه چوخ بوینو یوغونلوق افسانه ده آیغین یاتیلان هرکولا بیر باخ! توز گؤیلره قالدیرما گؤزل! یول یئرییَنده انسانلیغین اوستون سوپوررکن، سولا بیر باخ! عبرت گؤزون آچ، ظالمه سون گونده نظر قیل خلقین زمیسین، گونده یئیَن بامبولا بیر باخ! دنیانی توتوب قالمایاجاقسان، بونو سن بیل وارلیقدا بدن تک چورویَن بیر چولا بیر باخ! « اِلیـار»! آراییرسان اگر انسانلیغا اؤرنَک احمد کیمی بیر الله-ا وورغون قولا بیر باخ! .