بلالی کربلا

بیر بلالی میدان دیر، کربلا بو سلطانه چونکو باش علی اوغلو، اَیمه ییبدی شیطانه. سؤندورون دئییب شمعی، ائیله یین خبر جمعی کیمسه نین کی، وار عذرو، گیرمه سین بو میدانه! سؤیله ییب دئیین شامه، باغلییام من اسلامه قویمارام یزید ائتسین، سایغیسیزلیق ایمانه. یوخدو قورخو بیرسؤزدن، دینی قویمارام گؤزدن بیر وفالی دوستام من، دینه هم ده قرآنه. من حسینم ای لشکر، دینه بیر رشید عسکر سیز اگر بو دنیایه، من ده حقه دیوانه. اویمارام بو تزویره، چکسه لر ده زنجیره کربلا دا آل قاندان، دؤنسه بوردا عمّانه. خیمه لر ده اودلانسا، نازلی قیزلاریم یانسا یا اوشاقلاری بیر- بیر، غم گؤتورسه قربانه. اَلده سون گولوم سولسا، گؤز یاشیم دا قان اولسا اَل گؤتورمرم حقدن، باخمارام شیرین جانه. شیعه لر گلین بیز ده، وارکن ایندی سو دیزده بیر مرید اولاق جاندان، بو گؤزل سلیمانه! آرزودور بو « اِلیـار» دا، کربلایه تای داردا جان حسینه تای وئرسین، حق یولوندا جانانه. .