آی کؤنلومون سلطانی!

عرشی آی فرش ائله یَن، شانلی سلیمانیم منیم کؤنلومون ملکون آلان آی جانلی سلطانیم منیم. بیر قولاق وئر دردیمه؛ ظالم فلکدن دؤنموشم آخسا دا حق اوسته قوی آخسین بوگون قانیم منیم! بیر یاراقلانمیش گلین دیر کهنه دنیا، بیلمیشم اونلا اَلبیردیر قارانلیق شاهی، دوشمانیم منیم. درده سالمیش اول وفاسیز عشوه سی، آنجاق منی عشقدن دیر بیر یانار اود درده درمانیم منیم. من بو دنیانین اَلیندن دیر سیغیندیم عشقینه چکمرم اَل عشقدن؛ چون واردی پیمانیم منیم. عشقیمی سیندیرماغا، غم شاهی چوخدان آتلانیب قلبین آماج ائتمه یه، ایماندی پیکانیم منیم. عشقه بیر جان وئرسه کیم، معشوقدن مین جان آلار بو سؤزه هرکسدن آرتیق، واردیر ایمانیم منیم. گَل، سنین قارشیندا من نذر ائتمیشم قربان وئرم بیر شیرین جان دیر سنین تک شاهه، قربانیم منیم. قوی بیر ابراهیم اولوم عشقینده آی گول سئوگیلیم چونکو اسماعیل دیر، بو اَلده کی جانیم منیم. « اِلیـار»ین دا کؤنلونه یول وئر سن عشقین کویونا چونکو واردیر سؤیله ییر عشقینده دیوانیم منیم. .