سرسری, گیرمه میدانا

سرسری, گیرمه میدانا,

عاشق, سندن یول ایسترلر.

قللاش ایله اوتورمادان,

ایمان اهلی, پول ایسترلر.

بو یولا گیرن اوتورماز,

حاق سؤزه حیله‌قاتیلماز,

بوندا هئچ حیله‌ساتیلماز,

گؤوهریندن قول ایسترلر.

بیر قیلی مین پاره ائدر,

بو یولو ایختییار ائدر,

شاهیم بیر یول قورموش, گئدر,

یول ایچینده, یول ایسترلر.

شاه خطای دئر: نئیلرسن,

هر موشکولی حل ائیلرسن,

آریسان چیچک اییلرسن,

یارین سندن گول ایسترلر!

هنوز دیدگاهی برای این شعر ثبت نشده است. شما اولین نفر باشید!

برای ثبت دیدگاه و شرکت در بحث‌ها، لطفاً وارد حساب کاربری خود شوید.

ورود به حساب ثبت نام سریع