عاقیل

عاقیل, گل بری, گل بری,

گیر کؤنوله, نظر ائیله,

گؤرور گؤز, ائشیدیر قولاق,

سؤیلر دیله نظر ائیله.

باشدیر - گؤودیی گؤتورن,

آیاق - منزیله یئتیرن,

دورلو مصلحت بیتیرن,

ایکی اله نظر ائیله.

صوفی ایسن, آلیب ساتما,

هلالینا حرام قاتما,

یولون ایریسینه گئتمه,

دوبرو یولا نظر ائیله.

ایکی الین قیزیل قاندا,

چوخ گوناهلار واردیر منده,

یا ایلاهی, کرم سنده,

دوشگون قولا نظر ائیله.

خطای عیدور: یا بانی,

وئرن مؤولا آلیر جانی,

اول کندی-کندین تانی,

سونرا ائله نظر ائیله!

هنوز دیدگاهی برای این شعر ثبت نشده است. شما اولین نفر باشید!

برای ثبت دیدگاه و شرکت در بحث‌ها، لطفاً وارد حساب کاربری خود شوید.

ورود به حساب ثبت نام سریع