شمارهٔ ۱۷۸

خشْ باختهْ شاهِ حَوشْ گوشهْ لارْته

نَترسیهْ اَزْ زخمِ سیُوئه مارْته

قَسمْ خرْمه نَقّاشِ نَقش و نگارْ ته

اُونْ حلقهْ حلقهْ زلفِ مشکینِ مارْته

امیر گنه: گُلشنْ ره امرُو گلزارْته

سه وُ گل وُ وارنْگ بَرْسیِهْ دارْته

اسٰا هَرْ طَرفْ عاشقْ اِسّا هزارْ ته

پَری‌وَشْ اسٰا هَسّهْ وَخْتِ شکارْته

هنوز دیدگاهی برای این شعر ثبت نشده است. شما اولین نفر باشید!

برای ثبت دیدگاه و شرکت در بحث‌ها، لطفاً وارد حساب کاربری خود شوید.

ورود به حساب ثبت نام سریع