دوز یـول

گَل آتاق شیطانا بیر داش، قاییداق اولمایاق اَیری‌یه یولداش، قاییداق. باشی شیطاندی بوتون اَیری‌لرین وئرمه‌یَک اول باشا بیز باش، قاییداق. بو هوس بیزده هلاهل یوکودور یوخسا اوندان وئره‌جک آش، قاییداق. پیسلییین بهره‌سی پشمانلیق دیر فایداسیز، گؤزدن آخار یاش، قاییداق. هر یامان یول بیته‌جکدیر گئجه ده قارا یولدور، قارالیر قاش، قاییداق. نه گؤزلدیرکی، دوشَک یاخشی یولا بیز اولاق دوز یولا فرّاش، قاییداق. ابدیّت یولو، دوز یولدو گؤزل! گؤستریب دیر بیزه نقّـاش، قاییداق. گَل آی « اِلیـار»! قویاق اوز حقّـه ساری اولمادان بیر دلی اووباش، قاییداق. .