گؤزل و مهربان اللّـهین آدی ایلـه
حرمتلی اوخوجولار! من آذربایجانین تورکمانچای شهریندن، سیزلره الله دان اوغور و ساغلیق دیله یرَک، آنا دیلیمیز تورکجه ده کی، دنیادا اَن گؤزل و سئویملی دیللردن بیری ساییلیر، کلاسیک شعر ساحه سینده قلم و یازییا آلینمیش ایلک اثریمی تقدیم ائدیرم؛ امید ائدیرم کی، سیزلره و بوتون انسانلارا انسانلیق، اخلاق و الهی معنویت آنلامیندا یارارلی هابئله ائتکیلی اولسون. داها چوخ غزل و سنّتی قالبلرده دئییلمیش بو شعرلرین یانی سیرا، هجا و سربست شعرلریم ده واردیر. من کلاسیک شعری سئویرم و همین قالبلرده اؤزومو گوجلو حسّ ائتمیشم و بو شعرلری ریتمیک اولدوغوندان دولایی اورهیه یاتیملی و موسیقییه اویغون بیلیرم.دئمهلییَم کی، منیم شعرلریمین تورکجهده، فارسجا شعرلریم کیمی ایکی اؤزللییی واردیر: اونلاردان بیری بودورکی، فارسجا- عربجه ترکیبلردن یعنی کسره ایله بیرلشَن سؤزلردن استفاده ائتمهمیشم. البته طبیعی-دیرکی، هر شاعر باشقا دیللرین سؤزجوکلریندن استفاده ائدر آنجاق من ترکیبه باش اَیمهدن اؤز شعرلریمی دئمیشم. ایکینجیسی بوندان عبارت دیرکی، اَن مکمّل قافیه بیچیملریندن استفاده ائتمیشم.تورکجه شعرده،بو بیچیمی یوروتمک و سونا چاتدیرماق، اولدوقجا چتین بیر ایشدیر.دئمهلییَمکی بو اوچکتابدا کلاسیک شعر ساحهسینده، عراقـی سبکیـنده فارسجـا« غــزال غـزل» « صراحی اندیشـه » و « مشعل قلـم» عنوانلاریندا سؤیله ییب؛ الله-ین لطفی ایله چاپا وئرمیشم. بونلار ایلـه یاناشی، حرمتلـی شاعـریمیز اوستاد « علی داشقیـن»ین آلقیش و توصیهسیله تورکجه شعر دئمـهیه باشلادیم همده بو یولدا اوستادین « تورکجه- فارسجا سؤزلوک»وندن کی اولدوقجا گؤزل و علمی بیچیمده یازیلمیشدیر؛ چوخ استفاده ائتدیم و معنوی اؤزللیک یاخود توتوموندان دولایی اونون آدینی « آرتــان آی » قویدوم. تورکجهده شعر دئمکدن آماجلاریمین بیری مدنیّتیمیز، دیلیمیز و ادبیاتیمیزین قورونوب، یاییلماسینا البته گؤجومون یئتدیینجه، یاردیمجی اولماق و ایکینجیسی الهی، اخلاقی و انسانی آنلام، آنلاییش و تالاشلارا دا دهیَـر وئریب، موسیقی بولاقلارینا داها بیر بولاق آرتیرماق دیر. تکنیکی و قورولوش باخیمدان، یارغیلاماغیدا سؤز اوزمانلارینا بوراخیرام و اومورام کی، انسانی گؤزل مدنیّتینین یاییلماسیندا و گؤزللیک هابئله معنویتین داها دا گئنیشلنمهسینده و دیلیمیزین الهی بیر امانت اولاراق، قورونوب ساخلانیلماسیندا، منیم کؤنولدن سؤیله-دیییم، هر تور تکلّفدن اوزاق بو شعرلر گؤزل بیر آددیم ساییلسین و « اِلیــار»دان بوتون انسانلارا اؤزللیکلهده تورک دنیاسینا و گلهجک سویلاریمیزا فایدالی بیر یادگار اولسون. سوندا، بیلدیرمهلییَم کی بو کتابین یازی قایدالاری شاعره عایددیر. من مهربان اللّـه-ا اؤز لطفلرین-دن دولایی، سونسوز تشکّرلریمی بیلدیریرم./ جبار محمدی « اِلیــار» تورکمانچـای/ یـاز/ 1400 هجری شمسی .
حرمتلی اوخوجولار! من آذربایجانین تورکمانچای شهریندن، سیزلره الله دان اوغور و ساغلیق دیله یرَک، آنا دیلیمیز تورکجه ده کی، دنیادا اَن گؤزل و سئویملی دیللردن بیری ساییلیر، کلاسیک شعر ساحه سینده قلم و یازییا آلینمیش ایلک اثریمی تقدیم ائدیرم؛ امید ائدیرم کی، سیزلره و بوتون انسانلارا انسانلیق، اخلاق و الهی معنویت آنلامیندا یارارلی هابئله ائتکیلی اولسون.
داها چوخ غزل و سنّتی قالبلرده دئییلمیش بو شعرلرین یانی سیرا، هجا و سربست شعرلریم ده واردیر. من کلاسیک شعری سئویرم و همین قالبلرده اؤزومو گوجلو حسّ ائتمیشم و بو شعرلری ریتمیک اولدوغوندان دولایی اورهیه یاتیملی و موسیقییه اویغون بیلیرم.دئمهلییَم کی، منیم شعرلریمین تورکجهده، فارسجا شعرلریم کیمی ایکی اؤزللییی واردیر: اونلاردان بیری بودورکی، فارسجا- عربجه ترکیبلردن یعنی کسره ایله بیرلشَن سؤزلردن استفاده ائتمهمیشم. البته طبیعی-دیرکی، هر شاعر باشقا دیللرین سؤزجوکلریندن استفاده ائدر آنجاق من ترکیبه باش اَیمهدن اؤز شعرلریمی دئمیشم. ایکینجیسی بوندان عبارت دیرکی، اَن مکمّل قافیه بیچیملریندن استفاده ائتمیشم.تورکجه شعرده،بو بیچیمی یوروتمک و سونا چاتدیرماق، اولدوقجا چتین بیر ایشدیر.دئمهلییَمکی بو اوچکتابدا کلاسیک شعر ساحهسینده، عراقـی سبکیـنده فارسجـا« غــزال غـزل»
« صراحی اندیشـه » و « مشعل قلـم» عنوانلاریندا سؤیله ییب؛ الله-ین لطفی ایله چاپا وئرمیشم. بونلار ایلـه یاناشی، حرمتلـی شاعـریمیز اوستاد « علی داشقیـن»ین آلقیش و توصیهسیله تورکجه شعر دئمـهیه باشلادیم همده بو یولدا اوستادین « تورکجه- فارسجا سؤزلوک»وندن کی اولدوقجا گؤزل و علمی بیچیمده یازیلمیشدیر؛ چوخ استفاده ائتدیم و معنوی اؤزللیک یاخود توتوموندان دولایی اونون آدینی « آرتــان آی » قویدوم.
تورکجهده شعر دئمکدن آماجلاریمین بیری مدنیّتیمیز، دیلیمیز و ادبیاتیمیزین قورونوب، یاییلماسینا البته گؤجومون یئتدیینجه، یاردیمجی اولماق و ایکینجیسی الهی، اخلاقی و انسانی آنلام، آنلاییش و تالاشلارا دا دهیَـر وئریب، موسیقی بولاقلارینا داها بیر بولاق آرتیرماق دیر. تکنیکی و قورولوش باخیمدان، یارغیلاماغیدا سؤز اوزمانلارینا بوراخیرام و اومورام کی، انسانی گؤزل مدنیّتینین یاییلماسیندا و گؤزللیک هابئله معنویتین داها دا گئنیشلنمهسینده و دیلیمیزین الهی بیر امانت اولاراق، قورونوب ساخلانیلماسیندا، منیم کؤنولدن سؤیله-دیییم، هر تور تکلّفدن اوزاق بو شعرلر گؤزل بیر آددیم ساییلسین و « اِلیــار»دان بوتون انسانلارا اؤزللیکلهده تورک دنیاسینا و گلهجک سویلاریمیزا فایدالی بیر یادگار اولسون. سوندا، بیلدیرمهلییَم کی بو کتابین یازی قایدالاری شاعره عایددیر. من مهربان اللّـه-ا اؤز لطفلرین-دن دولایی، سونسوز تشکّرلریمی بیلدیریرم./
جبار محمدی « اِلیــار»
تورکمانچـای/ یـاز/ 1400 هجری شمسی
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.